Iran bıligi qańtar aıyndaǵy narazylyqtar kezinde tórt polısıa qyzmetkerin óltirgen eki adamdy darǵa asty, dep habarlaıdy infohub.kz saıty.
Memlekettik BAQ-tyń habarlaýynsha, eki adam Isfahan qalasynda polısıa beketin órtep, memlekettik múlikke zaqym keltirgeni úshin de sottalǵan. Olardyń esimi – Abolfazl Sepahı Badjanı jáne Ámir Hosseın Safarı Hosseınabadı.
Bul ekeýi – qańtar aıyndaǵy búkil eldi jaılaǵan narazylyqtardy basý kezinde tutqyndalǵan ondaǵan myń adamnyń ishinen eń sońǵy darǵa asylǵandar. Quqyq qorǵaýshylardyń málimetinshe, taǵy biraz adam ólim jazasyna kesilýi múmkin. Narazylyqtar jeltoqsan aıynyń sońynan qańtarǵa deıin sozylyp, qaýipsizdik kúshteri tarapynan qatań basyldy.
Shilde aıynda Iran osy is boıynsha taǵy eki adamdy darǵa asqan edi.
Iran bıligi narazylyqtar kezinde qaza tapqandar sanyn 3 myńnan astam dep kórsetken. Al quqyq qorǵaýshylar bul kórsetkishti 7 myńnan astam dep baǵalaıdy.