Iran men Oman Ormýz buǵazynda keme qatynasyn qaıta jandandyrý josparyn kelisti, dep habarlaıdy infohub.kz saıty.
Bild basylymynyń habarlaýynsha, jospar boıynsha qozǵalys eki bólek baǵyt boıynsha qalpyna keltiriledi: shyǵanaqqa bet alǵan kemeler Irannyń jaǵalaý sýlary arqyly, al shyǵanaqtan shyǵatyn qurǵaq júk kemeleri Oman jaǵalaýymen júredi.
Materıalda Tegerannyń eleýli artyqshylyq alatyny atap ótilgen: el kiretin kemeler aǵynyn baqylaı alady, biraq mindetti alymdardy alý quqyǵyna ıe bolmaıdy. Degenmen, qaýipsizdikti qamtamasyz etý jáne izdeý-qutqarý operasıalaryn júrgizý úshin erikti tólemderge jol beriledi.
Basylym mámileniń jasalýy áli kepildenbegenin, óıtkeni AQSh pen basqa memleketterdiń maquldaýy qajet ekenin naqtylady. Sonymen qatar, Tegeran Vashıngton ázirge jarıalanbaǵan sharttardy oryndaǵan jaǵdaıda ǵana Ormýz buǵazy ashylatynyn túsindirdi. Boljam boıynsha, bul Irannyń munaı eksportyn toqtatyp, el ekonomıkasyna orasan zor qysym kórsetip otyrǵan AQSh tarapynan ıran porttaryna salynǵan blokadany alý týraly bolýy múmkin. Sonymen qatar, mámileni Islam revolúsıasy saqshylary korpýsyndaǵy qatań baǵyttaǵylar buzýy múmkin.