Iran Syrtqy ister mınıstrligi Omanmen birlesip ázirlenip jatqan Ormýz buǵazy týraly memorandýmnyń egjeı-tegjeıin ashty. Qujatqa sáıkes, keme qatynasynyń ýaqytsha baǵyty ekige bólinedi: Parsy shyǵanaǵyna kirý Iran sýlary arqyly, al shyǵý Omannyń aýmaqtyq sýlary arqyly júzege asyrylady, dep habarlaıdy infohub.kz saıty.
Iran Syrtqy ister mınıstriniń orynbasary Kazem Garıb-Abadı bul baǵyttyń ýaqytsha ekenin túsindirdi. 30-60 kún ishinde taraptar ýaqytsha dálizdi almastyratyn turaqty dáliz qurý týraly kelissózder júrgizedi. Aıta ketý kerek, memorandýmǵa sáıkes, áskerı kemelerdiń ótýine tyıym salynady, buǵazdy tek saýda kemeleri paıdalana alady.
Dıplomat Irannyń soǵys jaǵdaıynda ekenin, sondyqtan Ormýz buǵazy jabyq kúıinde qalatynyn atap ótti. Omanmen jasalǵan memorandým buǵazdyń dereý ashylatynyn bildirmeıdi. Tolyq ashý úshin Tegeran Vashıngtonnan maýsym aıyndaǵy memorandýmnyń sharttaryn oryndaýdy talap etedi, onyń ishinde teńiz blokadasyn alý, barlyq maıdandaǵy urys qımyldaryn toqtatý jáne Iemendegi jaǵdaıdy retteý bar.