Iran prezıdenti Masýd Pezeshkıan Tegeran tıisti usynysty qabyldaǵan soń Ormýz buǵazyn ashýǵa jáne eldegi ıadrolyq nysandarǵa BUU ınspektorlaryn jiberýge daıyn ekenin málimdedi, dep habarlaıdy infohub.kz saıty.
Iran kóshbasshysynyń aıtýynsha, eger Amerıka Qurama Shtattary Irannyń Ormýz buǵazy jónindegi usynysyn qabyldasa, Tegeran qol jetkizilgen barlyq ýaǵdalastyqty ustanady.
«Biz kelisetin nárseniń bárin ustanamyz», — dedi Pezeshkıan CBS News arnasyna bergen suhbatynda.
Donald Tramppen yqtımal kezdesý týraly suraqqa jaýap bergen Iran prezıdenti eki el arasyndaǵy senimsizdikke silteme jasady.
«Olar kún saıyn bizge qarsy sanksıalardy kúsheıtip jatyr. Kún saıyn bizge qaýip tóndiredi. Kún saıyn bizge soqqy jasaıdy. Al ózderi jazǵan nárseni ustanbaıdy», — dedi ol.
Pezeshkıan sondaı-aq Irannyń ıadrolyq nysandardy tekserý úshin BUU ınspektorlaryn jiberýge daıyn ekenin rastady.
«Eger olar kelip tekserý júrgizgisi kelse, bul másele boıynsha kelissózder barysynda ýaǵdalastyqqa qol jetkize alamyz», — dedi prezıdent.
Sonymen qatar ol Iran ıadrolyq qarý jasaýǵa umtylmaıtynyn, ony dinı turǵydan tyıym salynǵan nárse dep ataǵanyn atap ótti.
«Iadrolyq qarý jasaý — haram», — dedi Pezeshkıan jáne eldegi jekelegen ókilder osy jolǵa túskisi kelse de, dinı normalar buǵan jol bermeıtinin qosty.
Buǵan deıin Iran deldaldar arqyly Tramp ákimshiligine Vashıngtonmen ýaǵdalasqannan keıin jeti kún ishinde Ormýz buǵazyn ashýdy usynǵany habarlanǵan bolatyn.