Iran AQSH-tyń áreketterine jaýap retinde qorǵanys strategıasyn ózgertetinin málimdedi. Irandyq vıse-prezıdent Muhammed Reza Areftiń aıtýynsha, budan bylaı Tegerannyń jaýaby asımetrıaly jáne kópdeńgeıli bolady, dep habarlaıdy infohub.kz saıty.
Areftiń sózinshe, AQSH-tyń Iran halqyna qarsy jańa qylmystary qaýipsizdik teńdeýin jáne eldiń qorǵanys doktrınasyn ózgertti. «Budan bylaı bizdiń jaýabymyz asımetrıaly, kópdeńgeıli jáne agresordy qaýipsizdikten aıyratyn bolady», — dep atap ótti ol.
Vıse-prezıdent sondaı-aq amerıkandyqtardy olardyń ekonomıkasyna qatysty yqtımal saldarlar týraly eskertip, benzın men otyn qorlary týraly oılanýǵa keńes berdi, óıtkeni «AQSh ekonomıkasyn qara aılar kútip tur».
Eske salaıyq, jaqynda AQSh teńiz mınalaryn ornatýdy boldyrmaý úshin Ormýz buǵazyndaǵy Iran nysandaryna bir aı ishindegi alǵashqy soqqysyn jasady. Jaýap retinde Iran Iordanıadaǵy amerıkandyq áskerı bazalarǵa soqqy jasaıtynyn málimdedi. Sonymen qatar, Iran prezıdenti Masýd Pezeshkıan Bishkektegi SHYU samıtinde AQSH-pen ýaqytsha bitimge oralýdyń shartyn atady.