Irannyń Hormozgan provınsıasyndaǵy úılený toıyna jasalǵan shabýyl saldarynan birneshe adam qaza taýyp, 70-ke jýyq adam jaraqat aldy, dep habarlaıdy infohub.kz.
Oqıǵa Irannyń ońtústigindegi Hormozgan provınsıasynda boldy. Bılik málimetinshe, shabýyldy AQSh jasaǵan. Irandyq resmı ókilder tórt adamnyń qaza tapqanyn habarlady, alaıda keıbir BAQ Iran Qyzyl Jarty Aıyna silteme jasap, bes qurban bolǵanyn aıtady.
Provınsıa ákiminiń orynbasary Ahmad Nafıs 68 adamnyń jaraqat alǵanyn málimdedi.
Iran parlamentiniń ulttyq qaýipsizdik jáne syrtqy saıasat komıtetiniń tóraǵasy Ebrahım Azızı Tegeran AQSH-tyń toıǵa jasaǵan shabýylyn jazasyz qaldyrmaıtynyn atap ótti. «Kýhestaktaǵy toıǵa jasalǵan shabýyl jáne beıbit turǵyndardyń óltirilýi — adam quqyǵyn qorǵaýshy dep kórinetinderdiń tolyq úmitsizdiginiń dáleli; bul olardyń Mınab pen Lamerdede jasaǵan qatygezdikteriniń qaıtalanýy. Eshqandaı ıllúzıaǵa berilmeńizder: bul qylmystar jazasyz qalmaıdy. Iran qarýly kúshteriniń joıqyn kúshinen kinálilerdi eshteńe qutqara almaıdy», — dedi ol.