Iran parlamentiniń spıkeri Mohammad Bager Galıbaf AQSh prezıdenti Donald Tramptyń ákimshiligin «kloýndar» dep atap, synǵa aldy, dep habarlaıdy infohub.kz.
Iran parlamentiniń spıkeri Mohammad Bager Galıbaf Donald Tramptyń komandasy týraly pikirin H áleýmettik jelisinde bildirdi. Ol jazbasynda Tegeranǵa qatty qysym kórsetý arqyly Vashıngton eshqandaı jeńildikke qol jetkize almaıtynyn aıtty.
«Bessent (AQSh qarjy mınıstri — red.) men Hegset (AQSh qorǵanys mınıstri — red.) múldem quzyretsiz. Kloýndar tobynyń qalpaqtan qoıan shyǵaryp, ózderińiz jasaǵan bylyqty tazalaıtynyn kútýdi qoıyńyz», — dep jazdy Galıbaf.
Eske salaıyq, buǵan deıin Aq úıdiń basshysy Donald Tramp Truth Social áleýmettik jelisinde «AQSH-tyń jańa aýmaǵy» degen jazýy bar Ormýz buǵazynyń kartasyn jarıalaǵan edi.
Buǵan jaýap retinde Iran SİM basshysynyń orynbasary Kazem Garıbabadı Iran AQSh prezıdentiniń «qate túsinikterin túzetetinin» málimdedi. Sonymen qatar, amerıkandyq prezıdent AQSh pen Iran arasynda qazir eshqandaı kelissóz júrgizilmeıtinin jáne josparlanbaıtynyn aıtty.