Tegeran Irannyń Kaspı teńizindegi saýda kemesine jasalǵan soqqydan keltirilgen zalaldyń ótelýin talap etip otyr. Bul týraly Iran Syrtqy ister mınıstri Abbas Arakchı ýkraınalyq áriptesi Andreı Sıbıgamen áńgimelesýden keıin málimdedi, dep habarlaıdy infohub.kz saıty.
Arakchı ýkraınalyq mınıstrdiń shabýyldyń qasaqana emes ekenine jáne Kıevtiń janjaldy kúsheıtý nıeti joq ekenine sendirgenin atap ótti. «Iran da shıelenisti arttyrýǵa umtylmaıdy. Degenmen, biz azamattarymyzǵa nemese múddelerimizge qarsy kez kelgen shabýyldardyń qabyldanbaıtynyn naqty aıttyq. Keltirilgen zalal ótelýi tıis», — dedi Arakchı. Óz tarapynan Andreı Sıbıga ıran tarapyn shıelenisti kúsheıtetin qadamdardan bas tartýǵa jáne Reseıdi qoldaýdy toqtatýǵa shaqyrǵanyn habarlady. Ol Ýkraınanyń áreketteri qorǵanys sıpatynda ekenin atap ótti.
Eske sala keteıik: 25 shildede ýkraın kúshteri Kaspı teńizinde ırandyq saýda kemesine soqqy berdi. Borttaǵy jarylys saldarynan ekıpajdyń bir múshesi qaza taýyp, taǵy bireýi jaralandy.