Islam revolúsıasy kúzet korpýsy AQSH-tyń F-15 joıǵysh ushaǵyn joıyp, Amazon derekter ortalyǵyna soqqy bergenin málimdedi, dep habarlaıdy infohub.kz.
Iran tarapynyń málimetinshe, soqqy Iordanıadaǵy AQSh áskerı bazasyna jasalǵan. Ondaǵy angarda F-15 joıǵysh ushaǵy joıylyp, áýe qorǵanys júıesiniń radary zaqymdanǵan. Sondaı-aq, Tegeran Bahreındegi Amazon derekter ortalyǵynyń ınfraqurylymyna shabýyl jasalǵanyn jáne Sırıanyń ońtústigindegi AQSH-tyń At-Tanf nysanynyń búlingenin habarlady.
Bahreın bıligi Irannyń birneshe zymyranyn ustap qalǵanyn, biraq Iran málimdegen zaqymdarǵa túsinikteme bermegenin jetkizdi.
Buǵan deıin Iran áskeri Kýveıttegi AQSh bazasyndaǵy HIMARS júıelerine soqqy bergeni, al Oman jaǵalaýyndaǵy tankerge belgisiz snarád tıgeni habarlanǵan bolatyn. Bul týraly Brıtandyq teńiz saýda operasıalyq ortalyǵy málimdegen.