Irannyń Isfahan qalasynyń bas alańynda qańtardaǵy narazylyqtarǵa qatysqany úshin sottalǵan eki adam jarıa túrde ólim jazasyna kesildi. Bul týraly infohub.kz saıty habarlaıdy.
BAQ málimetinshe, Abolfazl Sepahı men Amır Hoseın Safarı birneshe bap boıynsha kináli dep tanylǵan: «sybaılas jemqorlyqty taratý», «soǵys júrgizý», «qoǵamda qorqynysh pen qaýipsizdiktiń joqtyǵy atmosferasyn týdyrý», «ulttyq qaýipsizdikke qarsy áreket etetin toptarǵa qatysý», «qoǵamdyq tártipti buzý maqsatynda memlekettik múlikke zıan keltirý», sondaı-aq «tórt qaýipsizdik kúshteri qyzmetkeriniń qazasyna ákelgen oqıǵalarǵa qatysý».
Irannyń Joǵarǵy soty apelásıany qarap, ólim jazasyn kúshinde qaldyrdy. Euronews-tiń habarlaýynsha, ólim jazasy tańerteń jergilikti turǵyndardyń kóz aldynda oryndaldy. Ekeýi de jyl basyndaǵy narazylyqtardy qatań basýdan keıin ólim jazasyna kesilgen 12 adamnyń tizimine engen.
Eske salaıyq, Iranda gıperınflásıa aıasyndaǵy narazylyqtar birneshe aptaǵa sozylǵan edi. Demonstranttar Tegeran men basqa iri qalalardyń kóshelerine shyqty. Irannyń Ulttyq qaýipsizdik Joǵarǵy keńesi AQSh pen Izraıldi ıslam respýblıkasyndaǵy tártipsizdikterdi uıymdastyrýda aıyptady.