34 jastaǵy ırlandıalyq Imonn Kıvını jalańaıaq eń uzaq sapar júrip, álemdik rekord ornatty: ol Stambuldan týǵan qalasy Irlandıadaǵy Klaremorrısqa deıin 369 kúnde jetti, dep habarlaıdy infohub.kz saıty.
Túrkıadan bastaǵan Kıvını Bolgarıa, Rýmynıa, Vengrıa, Avstrıa, Germanıa, Fransıa, Anglıa jáne Ýels arqyly ótip, sodan keıin Irlandıaǵa jetti. Bul jolda oǵan asfált, tasty joldar, ystyq pen sýyqty bastan keshirýge týra keldi.
Uzaq júristerden tabanynyń terisi qanǵa deıin tozdy, oǵan shyny men tikenekter kirdi. Birde tikenek shanshylyp, ınfeksıa paıda bolyp, bir aptaǵa toqtaýǵa májbúr boldy. Márege jeter aldynda jolda súrinip, aıaq saýsaǵyn syndyryp aldy.
Saparǵa shyǵar aldynda Kıvını júktemege arnaıy daıyndalyp, múmkindiginshe jıi jalańaıaq júrip, júgirdi. Sonymen qatar, eń qolaısyz synaq jol emes, únemi ózimen birge alyp júrýge týra kelgen zat toly rúkzak boldy.
Jolda ol tańyrqaǵan kózqarastarǵa úırenýge týra keldi, keıde túsinbeýshilikke tap boldy. Mysaly, keıbir dúkender men meıramhanalarda aıaq kıimsiz bolǵandyqtan oǵan qyzmet kórsetkisi kelmedi. Alaıda Kıvınıdiń aıtýynsha, kóbinese adamdar onyń saparyna qyzyǵyp, kómektesýge tyrysqan.
Bul rekord ırlandıalyq úshin alǵashqysy emes. 2016 jyly ol jalańaıaq 2 080 km júrip, búkil Irlandıany kesip ótken. Al 2023 jyly Kıvını bes kún, bes saǵat jáne 23 mınýtta eldi bir dóńgelekti velosıpedpen kesip ótti.
Buǵan deıin Kursiv LifeStyle 76 jastaǵy atashka Parıjge deıin shamamen 3 myń km jaıaý júrip ótkenin jazǵan.