Qazaqstandyq ánshi Tóreǵalı Tóreáliniń jary Tolqyn Turarbekqyzy jetinshi sábıin dúnıege ákelgennen keıin áleýmettik jelide júrek tebirenter jazba jarıalady.
Ana bolýdyń eń qıyn ári sezimge toly sátin Tolqyn bylaı sıpattady: «Ananyń boıyndaǵy qorqynysh pen úmit qatar júretin qandaı sát... İshteı ózimdi bárine daıyndap kele jatyrmyn. Sol sátte kóz aldyma tek balalarym kele berdi. Olarǵa aman-esen oralýdyń osynshalyqty baqyt ekenin túsindirip qoıady ǵoı», - dep jazdy ol.
Sondaı-aq Tolqyn qıyn kezeńde ımanǵa kelgenin de jasyrmady. «Allanyki ekenimdi osy eki ómirdiń ortasynda qatty sezindim. Kúndelikti ómirde aýyz sóıleı beredi eken», - dedi ol kózine jas alyp.
Aıta keteıik, 7 sáýir kúni Tóreǵalı Tóreáli jetinshi ret áke atandy. Otbasynda qyz bala dúnıege kelgen. Dárigerlerdiń aıtýynsha, bul Tolqyn úshin tórtinshi kesar tiligi bolǵan. Qazirgi tańda ana men sábıdiń jaǵdaıy jaqsy.