Madrıdte fýtboldan ótken álem chempıonatyndaǵy jeńis qurmetine uıymdastyrylǵan sherýge Ispanıa quramasyn shamamen 2 mıllıon adam qarsy aldy, dep habarlaıdy infohub.kz.
Basylym málimetinshe, Ispanıa quramasy álem chempıonatynan keıin Madrıdke ushyp kelgen. Oıynshylar men jattyqtyrýshylar Ispanıa koroli Fılıpp VI jáne kоról otbasynyń basqa múshelerimen kezdesip, sondaı-aq Ispanıa premer-mınıstri Pedro Sanchestiń qabyldaýynda boldy.
Resmı is-sharalardan keıin Madrıd kóshelerinde avtobýs sherýi ótti. Ispanıa úkimetiniń Madrıdtegi ókildiginiń dereginshe, sherýge qatysqan jankúıerler sany eki mıllıonǵa jetken.
Eske sala keteıik, Ispanıa quramasynyń fýtbolshylary 2026 jylǵy álem chempıonatynyń fınalynda Argentına komandasyn jeńdi. Chempıonat AQSh, Kanada jáne Meksıkada ótti. Lýıs de la Fýente bastaǵan Ispanıa quramasy 1:0 esebimen jeńiske jetip, ekinshi ret álem chempıony atandy. Komanda alǵashqy tıtýlyn 2010 jyly Ońtústik Afrıkada jeńip alǵan bolatyn.