Aqmola oblysy, Zerendi aýdany
MKQK «Zerendi balalar mýzyka mektebi»
Qobyz synybynyń muǵalimi Kabylova Agerke Janatlekovna

Ashyq sabaq
Taqyryp: «Ysqyshtyń tehnıkalyq óristeri»
Sabaqtyń maqsaty:
Oqýshynyń oń jáne sol qol apparatyn qoıý.
Sabaqtyń mindeti: Ysqyshty durys júrgizip, bir - birimen baılanystyra birqalypty dybys shyǵarý. Taza dybysty dál tabýǵa daǵdylandyryp dybys tazalyǵyn muqıat baqylap otyrý.
Sabaqtyń túri: tájirıbelik sabaq
Sabaqtyń kórnekiligi: slaıdtar, aspaptar, nota paraǵy
Sabaqtyń barysy: uıymdastyrý kezeń, bilim alýshynyń sabaqqa daıyndyǵyn tekserý, aspaptyń qulaq buraýyn keltirý.

Kirispe. Qobyz aspaby týraly qysqasha málimet. Prezentasıa. Sol qol men oń qolǵa arnalǵan jattyǵýlar.
Jańa taqyryp: «Ysqyshtyń tehnıkalyq óristeri»
Qobyzda oınaý tásiliniń eń kúrdelisi dybys boıaýyn shyǵarý. Qobyz tartýdy úıretý kezinde eki jaǵdaıdy eskergeni jón:
1. Oryndalatyn shyǵarmanyń kórkemdik sapasy;
2. Tehnıkalyq óristeri.
Ysqyshty ashyq ishekter boıynsha júrgizý
Ysqyshty tıektiń boıymen júrgizý:
- ortańǵy bóligimen
- joǵary bóligimen
- tómengi bóligimen
- tutas bóligimen
- ishek almasý
Sol qoldyń qyzmeti – árbir dybysty dál taýyp ishek boıyna durys ornalastyrý. İshektiń moıynynan alshaq turýyna jáne ulttyq oınaý tásiline baılanysty dybys tyrnaq kóbesin ishekke tıgizý arqyly shyǵady. Saýsaqtardyń ushtary birdeı bolyp jartylaı búgilip, ishekke qatarlasa ornalasyp, barmaq moıynǵa ornalasady. Tórt saýsaq dybys shyǵarýda negizgi rol atqarady da, barmaq olarǵa súıip, tek qosalqy qyzmet atqarady. Qoldyń býyndary erkin, bos qımyl jasap, bilek býyny azdap ishekke maıysyp saýsaqtar ishekti qatty baspaı, jınaqy ornalasý kerek. Saýsaqtardyń shashyrańqy bolýy tehnıkalyq múmkindikti shekteıdi, al tym sylbyr bassaq, dybystyń taza shyqpaı aýytqyp ketýine aparyp soqtyrady.
Birinshi, ekinshi, úshinshi saýsaqtardy ishekke qoıý.

Saýsaqtardyń arasyndaǵy jarty jáne bir tonnan turatyn notalardy oınaý, olarǵa taza, dálme dál túsý úshin saýsaqtardyń arasynyń emin - erkin ashylýy úshin jattyǵýlar jasaý.
Saýsaqtardyń qoıylý retiniń belgileri:
0 – ashyq ishek
1 – birinshi saýsaq
2 – ekinshi saýsaq
3 – úshinshi saýsaq
4 – tórtinshi saýsaq

Úı tapsyrmasy: Ashyq ishekterde ysqysh júrgizý, ishekten ishekke kóshý. Ysqyshtyń ár bóligimen oınaý. «Re», «Lá» ishekterdegi notalar ornalasýy, saýsaq daǵdysy.
Qortyndy: baǵalaý.