Italıada alapat oqıǵa boldy: adamdary bar gırokopter kanat jolyna ilinip, jerge qulady. Saldarynan eki adam qaza tapty, dep habarlaıdy infohub.kz saıty.
Apat eldiń soltústigindegi Antrona ańǵarynda boldy. Jergilikti BAQ málimetinshe, qurban bolǵandar — 62 jastaǵy ushqysh pen 63 jastaǵy áıel jolaýshy. Qazirgi ýaqytta áýe kemesiniń qulaý mán-jaıyn tergeý bastaldy.
Aldyn ala derekter boıynsha, gırokopter jabyq kanat jolynyń arqandaryna ilinip, keıin órtenip, bóget mańyndaǵy tik betkeıge qulaǵan. Oqıǵanyń kýágeri qala ákimi Franko Borsottı boldy. Saıasatker aspanda otty shardy kórgenin aıtty. Ol sondaı-aq kanat joly birneshe onjyldyqtan beri jumys istep turǵanyn, alaıda onyń ushqyshtyń kartasynda bolmaýy múmkin ekenin atap ótti.
Sonymen qatar, ákimniń aıtýynsha, bul tabıǵı park aımaǵynda ushýǵa tyıym salynǵan jáne eshqandaı ruqsat berilmegen. Oqıǵanyń barlyq mán-jaıy anyqtalyp jatyr.