Italıa Alpisindegi anomaldy ystyq Stelvıo muzdyǵyndaǵy jazǵy shańǵy maýsymynyń merziminen buryn aıaqtalýyna sebep boldy. Ekstremaldy temperatýra trassalardy qaýipti etkendikten, kýrort jumysyn toqtatýǵa májbúr boldy, dep habarlaıdy infohub.kz.
Bild málimetinshe, kúndiz muzdyqta túnde qatyp úlgermeıtindeı ystyq bolady. Uıymdastyrýshylar táýekelge barmaýdy jón kórdi, óıtkeni mundaı jaǵdaıda shańǵy trassalary adam ómiri men densaýlyǵyna qaýip tóndiredi.
Stelvıo muzdyǵy Eýropada jazǵy kezeńde jumys istegen sońǵy taý shańǵysy kýrorty edi. Ádette munda jyldyń jyly mezgilinde de shańǵy tebýge bolatyn.
Qazirgi ystyq búkil Eýropa úshin meteobaqylaý tarıhyndaǵy eń joǵary kórsetkish boldy. Qýańshylyq saldarynan Reın ózeni tartylyp, Fransıada tarıhtaǵy eń ystyq 50 kún tirkelse, Shveısarıada sý tapshylyǵyna baılanysty kógaldardy sýarýǵa tyıym salynyp, baseınder jabyldy. Sarapshylardyń baǵalaýynsha, mundaı aýa raıynan tek Fransıanyń ózi 15 mlrd eýroǵa (shamamen 8,04 trln teńge) shyǵynǵa ushyraýy múmkin.
Buǵan deıin «Kýrsıv» Eýropada 2026 jyly anomaldy ystyqtan qaza tapqandar sany 25 myńnan asqanyn habarlaǵan. Ekstremaldy joǵary temperatýra tolqyndarynyń toqtamaýyna baılanysty artyq ólimniń naqty kórsetkishteri odan da joǵary bolýy múmkin, óıtkeni resmı statısıka keshigip keledi.