Italıada polısıa Parma mańyndaǵy Manánı-Rokka qorynyń jeke murajaıynan naýryz aıynda urlanǵan Renýar, Matıss jáne Sezannniń kenepterin tapty, dep habarlaıdy infohub.kz saıty.
Fransýz sýretshileri Per Ogúst Renýar, Pol Sezann jáne Anrı Matısstiń kartınalary kúdiktilerdiń biriniń úıinen tabyldy. Parma polısıa bastyǵy Andrea Paláronyń aıtýynsha, is boıynsha Moldovanyń toǵyz azamaty ótip jatyr, onyń beseýi urlyqqa qatysqan degen kúdikke ilingen.
Másele Renýardyń keıingi jumysy «Balyqtar», Sezannniń qaryndashpen jáne akvarelmen salynǵan «Shıeli natúrmort» jáne Matısstiń «Terasadaǵy odalıska» akvareli týraly bolyp otyr. Olardyń shamamen naryqtyq quny tıisinshe 3 mln, 6 mln jáne 20 myń eýroǵa baǵalanady.
Eske salaıyq, urlyq 22-nen 23 naýryzǵa qaraǵan túni bolǵan. Polısıa derekteri boıynsha, betterin kapúshonmen jasyrǵan urylar kireberis esikti buzyp, kenepterdi alyp, qashyp ketken. Urlyq dál úsh mınýtqa sozylǵan.
Murajaıǵa ıelik etetin Manánı-Rokka qory bul josparlanǵan qylmys ekenin, biraq beınebaqylaý júıesi men polısıa men kúzettiń jedel aralasýynyń arqasynda ol ári qaraı jalǵaspaǵanyn málimdedi.