Ashý kelse, turǵyzbas,
Artyńa moıyn burǵyzbas.
Kórineý otqa salady,
Oryndy jumys qylǵyzbas.

Yza kerse boıyńdy,
Oılatpaıdy oıyńdy.
Basqyzyp alsań, paıda joq,
Batpannan aýyr shoıyndy.

Ashýmen qylǵan is emes,
Qaırat ta emes, kúsh emes.
Ashýyna bıletken,
Aqyly túzý kisi emes.

Pishiniń keter qýaryp,
Aýzyń, erniń uzaryp.
Tyshatuǵyn baladaı
Eki kóziń qyzaryp.

Qabaǵan ıtteı arsyldap,
Dýanadaı qalshyldap,
Yza qylǵan kisiniń,
Sońynan qalmaı jalpyldap.

Osydan paıda ne shyqty?
Mas kúninde neni uqty?
Aqylǵa salyp oılashy,
Munymen bolar kim myqty?

Býyndyrmaı ózińdi,
Bultıtpaı-aq kózińdi,
Oılanyp aıtsań bolmaı ma
Kerekti ǵana sózińdi?

Boıdy ashýǵa bıletpe,
Basynan jaman úıretpe.
Adyraıyp, aptyǵyp,
Bir jerińdi kúıretpe.

Bılep alsań ashýdy,
Paıdasyz isten qashýdy,
Sonda ádemi baıqarsyń
Aıaqty qalaı basýdy.

Ashýsyz adam bolmaıdy,
Eskerý kerek ondaıdy.
Qapy ótkizbeı qaıyryp
Almaǵandar ońbaıdy.

Erinshek, ashý, qumarlyq –
Bulardy isten shyǵardyq.
Jamandyqtyń basy – osy,
Kisi bolsa uǵarlyq.

---