Dýbaıdan Tel-Avıvke ushqan FlyDubai áýekompanıasynyń ushaǵyndaǵy oqıǵa terakt áreketi boldy. Bul týraly Izraıl qorǵanys mınıstri Israel Kas málimdedi, dep habarlaıdy infohub.kz saıty.
RBK agenttigi Izraıldiń Channel 12 telearnasynyń materıalyna silteme jasap habarlaǵandaı, Izraıl qorǵanys vedomstvosynyń basshysy bolǵan oqıǵany jıhadtyq shabýyl áreketi dep atady. Onyń aıtýynsha, apatty birneshe ızraıldik jolaýshynyń erliginiń arqasynda ǵana boldyrmaý múmkin boldy.
«FlyDubai ushaǵyndaǵy oqıǵa jıhadtyq shabýyl áreketi edi. Ony ushqyshtar kabınasyna kirip, terrorısti zalalsyzdandyryp, ushaqty sonda bolǵan basqa ushqyshtar tobyna qaıtaryp bergen birneshe ızraıldik jolaýshynyń erliginiń arqasynda ǵana boldyrmady», — dedi mınıstr.
Israel Kastyń alǵashqy málimetine sáıkes, terrorıstiń maqsaty ushaqty barlyq jolaýshysymen qosa jerge qulatý bolǵan.
Ushaqtaǵy tótenshe oqıǵadan keıin Izraıl Áskerı-áýe kúshteriniń ıstrebıtelderi ushaqqa qaraı áýege kóterildi. Keıin áýe kemesi Saýd Arabıasyna qonǵany belgili boldy. Sodan soń FlyDubai áýekompanıasy ızraıldik telearnaǵa Dýbaı — Tel-Avıv reısinde ushqyshtar arasynda ushaq bortynda tóbeles bolǵanyn habarlady.
Kóp uzamaı ushaqtan alǵashqy foto men beınejazbalar paıda boldy. Sýrette shabýyldaýshymen kúresken bolýy múmkin jolaýshy beınelengen. Bılikter ushqyshtardyń biri ushaqty ádeıi qulatýǵa árekettengen bolýy múmkin degen nusqany tekserýde. Onyń áreketin ekinshi ushqysh pen onymen kúreske túsip, apatty boldyrǵan ızraıldik jolaýshylar toqtatqan boljamdalady.
Sondaı-aq ushaq ushqyshtarynyń azamattyǵy týraly taǵy bir nusqa aıtyldy. Reseı jáne Ýkraına azamattyǵy týraly nusqadan keıin ushqyshtardyń Oman jáne Birikken Arab Ámirlikteriniń azamattyǵy bar degen derekter shyqty.
Odan keıin ushqyshtardyń biri shabýyldan keıin pyshaq jaraqatynan kóz jumýy múmkin degen aqparat paıda boldy.
BAQ-ta Ýkraına men Reseıden kelgen ushqyshtar jolaýshy retinde ushyp, FlyDubai ushaǵynyń basqarýyn óz qoldaryna alǵany týraly da jazyldy.
Keıinirek FlyDubai áýekompanıasynyń ushaǵynda áriptesiniń shabýylynan zardap shekken ushqysh Úndistan azamaty Smıt Machchhar bolǵany belgili boldy.