Izraıldiń qoǵamdyq qaýipsizdik mınıstri Itamar Ben-Gvır túrme perımetrin kúzetý úshin Nil qoltyraýyndaryn paıdalanýǵa ruqsat aldy, dep habarlaıdy infohub.kz Jerusalem Post gazetine silteme jasap.
2025 jyly-aq radıkaldy jáne antıpalestınalyq kózqarastarymen tanylǵan ońshyl mınıstr Negev shólindegi Ketsıot qatań rejımdi túrmesin Nil qoltyraýyndarymen qorshaýdy nıet etkenin málimdegen bolatyn. Bul mekemede negizinen palestınalyq tutqyndar men Ǵazadaǵy soǵys kezinde tutqyndalǵan beıbit turǵyndar ustalady.
Bastamanyń aldyndaǵy basty kedergi Nil qoltyraýynynyń qorǵaý mártebesi boldy. Alaıda osy aptada Izraıldiń qorshaǵan ortany qorǵaý mınıstri ózgerister engizip, baýyrymen jorǵalaýshyny «fermada ósirilgen jabaıy janýar» sanatyna aýystyrdy. Bul qaýipsizdik organdaryna túrmeniń syrtqy perımetrin kúzetý úshin qoltyraýyndardy paıdalanýǵa ruqsat alýǵa múmkindik berdi.
Jobanyń naqty merzimderi ázirge jarıalanbady.
Sonymen qatar Izraıldiń tabıǵat jáne saıabaqtardy qorǵaý basqarmasy bul bastamaǵa qarsy shyqty. Vedomstvo qaýipti jyrtqyshtar tek bilim berý jáne ǵylymı maqsattarda ǵana ustalýy múmkin ekenin málimdedi. Sheneýnikter túrme mańynda qoltyraýyndardy ósirýge baılanysty táýekelder týraly da eskertti: olardyń aıtýynsha, buryn qolǵa úıretilgen baýyrymen jorǵalaýshylar qashyp ketip, birneshe ret qaýipti jaǵdaılar týǵyzǵan, onyń ishinde ólimmen aıaqtalǵan oqıǵalar da bolǵan.