Tutqyn bolyp, tysqa shyǵyp júre almaı,
Zaryqtym ǵoı, jan jarymdy kóre almaı,
Osy kúnde altyn sáýlem naǵyp júr,
Qandaı kúıde, qaıda ekenin bile almaı.
Oılaı ma eken tutqyn jaryn tún, kúndiz?
Júrek - jara, jasty ma eken qara kóz?
Shashyn jaıyp, tún uıqysyn tórt bólip,
Tileı me eken: «Jolyqtyr,- dep,- Táńiri,-
Zarlaǵanym ketti me álde dalaǵa,
«Jar» degenim álde japqan jala ma?
Oıyny - oıyn, baıaǵydaı kúlkisi,
Meni esine erikkende ala ma?!
Qıyn bop tur kózim jasyn tyıýym,
Qajytty ǵoı kúndiz-túni kúıýim.
Onyń qalaı oılaýynda isim joq,
Burynǵydan myń ese artty súıýim.
Aırylam dep alyp pa edim esime,
Amal qansha ázeldegi kesimge?!
Táńiri ıem, uıqy bershi tezirek,
Jan jarymdy bir súıeıin túsimde!

---