Jańa jylda jańa tilek tilelik,
Eski jyldy esmere de júrelik.
Kep júrmesin qaıta aınalyp túnerip,
Kóziń jasty, kóńiliń qaıaý, alashym!
Jurt bolýdyń oılanalyq amalyn,
Qamsyz jatar emes endi zamanyń.
Nadandyqtyń qıratalyq qamalyn,
Maqsatyńa umtyl taıaý, alashym!
Jaý men juttan endi qudaı saqtasyn,
Qasekeńdi qas masqara taptasyn.
Kári-jasyn endi ǵafil jatpasyń,
Ash kózińdi, bolma baıaý, alashym!
Óz qamyńdy oılan óziń el bolsań,
El bolamyn, teń bolamyn der bolsań.
Kókten teńdik kelmes óziń kem bolsań,
Meń-zeń bolmaı, talpyn, oıan, alashym!
Ushqan qustaı, sýda júzgen balyqtaı,
Tabıǵatty qoldanýshy halyqtaı.
Sen de endi sergiseıshi jalyqpaı,
Júrgeńińshe máńgi jaıaý, alashym!
Búgin halyqtyń qýanyshy keń kúni,
Kún menen tún - tarazynyń teń kúni.
«Qut-bereke bolmasa eken kem kúni»,
Dep tilelik, qolyn jaı-aý, alashym!

---