InfoHub Logo

Nasanyń «Planeta ańshysy» dep atalatyn Kepler ǵarysh teleskoby, kóbisiniń kólemi Jermen shamalas bolǵan 461 potensıaldy planeta tapty. Ǵalymdar tek «Qus joly» galaktıkasynyń ózinde ǵana kólemi Jermen birdeı eń kemi 17 mıllıard planetanyń bar ekendigin málimdedi. Kepler astronomy Krıstofer Berk AQSH-tyń Kalıfornıa shtatyndaǵy Long Bıch qalasynda uıymdastyrylǵan Amerıkandyq astronomıalyq birlestigi konferensıasynda jınalys ótkizdi.

Eki jyl aldyn 1200 obekt baqylaǵanyn bildirgen Berk, «Bir jyldan keıin odan da kóp aspan denelerin anyqtadyq. Óte kóp kishkentaı planetalar men jerdiń kólemindeı jáne odan da úlken planetalar kórdik. 22 aılyq baqylaýdan keıin 461 jańa planeta belgilendi.» dedi. Berk, tabylǵan 4 planetanyń juldyzdarynan qashyqtyqtarynyń sebebinen ómir súrý múmkindigin aıtty. Kepler teleskobynyń tapqan planetalarynyń arasynda kólemi Jerden 1,5 ese úlken, Kúnge uqsas bir juldyzdyń aınalasynda aınalatyn, bir jyly 242 kún bolǵan jáne sýy da bar bolýy múkin dep oılaǵan planeta da bar. 2009 jyldan beri baqylaýlaryn júrgizip keletin ǵarysh teleskoby, «Qus joly» galaktıkasyndaǵy 160 myń juldyz júıesin tekserip, ómir súrý múmkindigi bar planetalardy izdeýde. Tekserilgen 2740 juldyz júıesiniń 299-ynda 2, 112-sinde 3, 44-inde 4, 11-inde 5, 1-inde 6 planeta tabyldy.

---