InfoHub Logo

Kez kelgendi múıizdeı beretin súzegen buqa baıqaýsyzda qudyqqa túsip ketipti. Qudyqtyń ishin bar permenimen súzgilep, topyraǵyn aınalǵanyn, óziniń bekerden-beker ólerin buqa bilipti. Bireý bolmasa, bireý qudyqtan meni shyǵaryp alar dep, bar pármeninshe ókiripti. Munyń baqytyna qaraı jaqyn arada bir qoıshy qoı jaıyp júr eken. Munyń daýsyn estip, qoılar men qoıshy júgirip keledi.

         — Shyraqtarym, qaraqtarym, shyǵaryp alsańdarshy, – dep, bularǵa ádeppen, ıbalyqpen jalynyp, buqa sóıleı bastaıdy. — Meni jazasyz, kinásiz óltirmeńdershi, ǵumyrymda janǵa jamandyq oılap, qas qylmaýshy edim. Meniń minezimniń jaqsylyǵy Zeńgi babaǵa málim, dostarym, qaraqtarym, meni shyǵaryp alyńdarshy! Ólgenimshe sol jaqsylyqtaryńdy umytpaspyn, – deıdi, buqa jalynyp-jalbarynyp.

         — Qoılar,buqany qudyqtan shyǵaryp alyp, jaqsylyǵyn kóreıik! – deıdi qoıshy.

         — Bısharany shyǵarsaq, shyǵaryp alaıyq, – deıdi qoılar da.

         Sóıtip, múıizdi myrzany qudyqtan shyǵaryp alady.

         — Demimdi alyp, esimdi jıǵan soń, sizderge Táńir jarylqasyn aıtyp, syı kórsetemin, – deıdi buqa entigip. Biraq ajaldan qutylyp, esin jıyp alǵan soń, aıdaıyn dep kelgen qoıshyǵa:

         — Seni óltireıin, – dep ókirip tap beripti.

---