Jastyqtyń oty, qaıdasyń,
Júrekti túrtip qozǵamaı?
Ǵylymnyń bilip paıdasyn,
Dúnıeniń kórkin boljamaı?

Adamnyń taýyp aılasyn,
Kisilikti oılamaı.
Qarýyn kóńil saılasyn,
Qolǵa ol túspes boılamaı.

Mahabbat, qyzyq kim kórer,
Onyń da dámin tatpasa?
Birjola basty kim berer,
Janyńa qaıǵy batpasa.

Aıamaı janyn dos erer,
Joldastyqty aqtasa.
Aldyńa aıdap kim keler,
Erinbeı júrip baqpasa.

Mal baqpaqtyq sharýa bop,
Adal taýyp asyqpaı.
Qur aıǵaımen áýre bop,
Ónerdiń jaıyn basa uqpaı.

Endi neni isteımiz,
Bárinen de bos qaldyq?
"Aýyzǵa kelip tús" deımiz,
Qylyp júrip qur saldyq

---