Jyp-jyly tún maýjyrap,
Kóterilgen jerden bý.
Saf kúmisteı jaltyrap
Tynysh jatqan tunyq sý.
Kókke tıgen bıik taý
Qushaqtasqan tumanmen,
Qosylysyp esen-saý,
Bal alysqan qumarmen.
Aqyryn esken jyly jel
Maýjyratyp, terbetip,
Tań atsyn dep jaınap gúl -
Ósip balam er jetip.
Shyryldap torǵaı aspanda,
Bytpyldyǵy án qosyp,
Shala-jansar jatqanda
Tabıǵatqa jan qosyp,-
Tań aldynda jalbaryp,
Táńirige quldyq qylǵany,
İsine onyń tańdanyp,
Kóńili haqqa synǵany.
Mine, altyn tań atty
Kúnshyǵystan aǵaryp.
Kóterip zulmat qanatty,
Jer de ketti jańaryp.
Tań, Kún degen - jer jany,
Bul ekeýinsiz joq sáni.
Oqý-bilim - er jany,
Jaraspas erge qur jany.

---