«Ýensdeı» serıalynyń juldyzy Djenna Ortega erlerge arnalǵan Esquire jýrnalyna túsken ashyq fotosessıasymen jankúıerlerin tańǵaldyrdy. Sýretter onyń Instagram paraqshasynda jarıalandy, dep habarlaıdy infohub.kz saıty.
23 jastaǵy amerıkalyq aktrısa birneshe keıipte kórindi, biraq eń jarqyny — keýdesi ashyq, bústgaltersiz kıilgen móldir shilter kóılek boldy. Fotosýrette Ortega shashy jaıylǵan kúıde tústi. Basqa kadrlarda juldyz joǵary jaǵaly toppen qara atlas shortta, sondaı-aq qara-aq tústi kólemdi kóılekte kórindi.
Pikirlerde jazylýshylar aktrısanyń ádemi kıimderin ǵana emes, ózgergen dene bitimin de atap ótti. «Tańǵajaıyp qyz», «Ádemi, ádettegideı», «Sen jaqsysyń ba? Biraz tamaq je», «Bireý oǵan tamaq bersin», «Aryqtap ketipti», — dep jazdy olar post astyna. Djennanyń Instagram-da 37,7 mıllıon jazylýshysy bar.
IMDB saıtynyń deregine sáıkes, Djenna Ortega 2002 jyly 27 qyrkúıekte Kalıfornıada dúnıege kelgen. Ol 9 jasynda Disney arnasyndaǵy telehıkaıada debút jasap, kınoǵa túse bastady. Qazir jas aktrısanyń enshisinde 15-ten astam fılm bar. Aıta ketý kerek, Ortega sońǵy jyldary jıi horrorlarǵa túsedi, sol úshin ony jańa býynnyń «aıqaı hanshaıymy» dep ataıdy. Aktrısaǵa Netflix-tiń áıgili serıalyndaǵy Ýensdeı Addams róli erekshe tanymaldyq ákeldi.