Jer júzine er ataǵym jaıylǵan,
Jan emespin ottan, sýdan taıynǵan.
Qaıraty mol qandybalaq qyranmyn,
Kún bolǵan joq jaýdan júrek shaıylǵan.

Erkin yrǵyp shyqqam asqar Altaıǵa,
Qyrda turyp sadaq tartqam Qytaıǵa.
Talaı taıǵaq, tar keshýde taımaǵan
Batyr júrek, qaırat endi aldaı ma?!

Talmaı, qaıtpaı qamal buzǵan kemeńger,
Arystanǵa qarsy umtylǵan mendeı er.
Bir barqyldaq jalpyldaǵan tóbetten
Qorqar bolsam, jutsyn meni qara jer!

---