Jet Finance kompanıasy Qazaqstannyń mıkroqarjy uıymdary qaýymdastyǵynyń (AMFOK) «Kásipkerlikti damytý jáne SHOB-ty qoldaý boıynsha úzdik mıkroqarjy uıymy» atalymyndaǵy marapatyna ıe boldy. Marapattaý rásimi 21 qyrkúıekte Almatyda, The Ritz-Carlton alańynda, Ortalyq Azıa mıkroqarjy forýmy aıasynda ótti, dep habarlaıdy infohub.kz saıty.
Marapatty Ózbekstan mıkroqarjy ınstıtýttary qaýymdastyǵynyń atqarýshy dırektory Mıralazız Sarıkovıch Ýmarov tabys etti. Jet Finance atynan ony kompanıanyń bas dırektorynyń orynbasary Arslan Kazez jeke qabyldady.
AMFOK sheshimi Jet Finance portfeliniń jeke kásipkerlik segmentindegi kórsetkishterine negizdelgen. Bir jyl ishinde — 2025 jylǵy 31 shildeden 2026 jylǵy 31 shildege deıin — rastalǵan jeke kásipkerlerdiń kredıttik portfeli 8,58 mlrd teńgeden 10,03 mlrd teńgege, ıaǵnı 16,8%-ǵa ósti. Sol kezeńde kompanıanyń jalpy kredıttik portfeli 39,87 mlrd teńgeden 49,17 mlrd teńgege — 23,3%-ǵa ulǵaıdy. Jeke kásipkerler portfeliniń eń úlken úlesin turaqty túrde saýda quraıdy — eki esepti kúnde de 37%-dan astam, ekinshi orynda qyzmet kórsetý salasy tur.
«Bul marapat — bir rettik aksıanyń emes, kóp jyldar boıy SHOB segmentimen júrgizilgen júıeli jumystyń moıyndalýy. Búginde kásipkerler bıznesti ósirýdiń naqty mindetteri úshin irirek qarjylandyrý alyp jatqanyn kórip otyrmyz, al bizdiń mindetimiz — olarǵa kapıtalǵa ashyq ári túsinikti sharttarmen qol jetkizýdi qamtamasyz etý», — dedi Jet Finance bas dırektorynyń orynbasary Arslan Kazez.
AMFOK forýmy — Ortalyq Azıanyń mıkroqarjy naryǵy qatysýshylarynyń, retteýshileriniń jáne ınvestorlarynyń dıalogyna arnalǵan jyl saıynǵy alań. Bıyl forým aıasynda Jet Finance jáne Yusr kompanıalarynyń Group CFO Nıkıta Vılgelm qatysqan, mıkroqarjy uıymdaryn qarjylandyrý naryǵy men ınvestorlardyń kútýlerine arnalǵan paneldik sesıa da ótti.
Jet Finance — uzaq merzimdi damýǵa jáne jaýapty qarjylandyrýǵa baǵyttalǵan fınteh-kredıtor. Kompanıa 2018 jyly qurylyp, sodan beri basqarý modelinen bastap tehnologıalyq platforma men ónimdik strategıaǵa deıin aýqymdy transformasıadan ótti. Búginde Jet Finance táýekel-menedjment, IT jáne korporatıvtik basqarý salasyndaǵy ozyq halyqaralyq tájirıbemen jergilikti saraptamany ushtastyra otyryp, Qazaqstandaǵy eń qarqyndy damyp kele jatqan banktik emes kredıtorlardyń qataryna kiredi.
«MQU «Jet Finance» JSHS mıkrokredıtter berý qyzmetin 2026 jylǵy 10.03 berilgen № 02.21.0056.M. mıkroqarjylyq qyzmetti júzege asyrýǵa arnalǵan lısenzıasynyń negizinde atqarady.