Ónerkásip jáne qurylys mınıstri Ersaıyn Naǵaspaev úkimette ótken brıfıńte Biryńǵaı jınaqtaýshy zeınetaqy qorynan zeınetaqy jınaqtarynyń bir bóligin alýdyń jetkiliktilik shegin qaıta qaraýǵa turǵyn úı naryǵynyń reaksıasy týraly aıtty, dep habarlaıdy infohub.kz saıty.
Jýrnalıser mınıstrden zeınetaqy jınaqtaryn alýdyń jetkiliktilik sheginiń kóterilýi qazaqstandyqtardyń satyp alý qabiletine áser etken-jetpegenin surady. «Joq», — dep qysqa jaýap berdi ol.
Onyń aıtýynsha, mınıstrlik komersıalyq turǵyn úı baǵasyn rettemeıdi. «El boıynsha komersıalyq turǵyn úıdiń bir sharshy metri shamamen 617 myń teńge turady. Áleýmettik turǵyn úı baǵasyna kelsek, memlekettiń ustanymy anyq — biz baǵany baqylaımyz, ol óspeıdi. Men baǵanyń ósýi nemese tómendeýi týraly boljam bermeımin, biraq oǵan eshqandaı negiz joq. Ádette jazda suranys artady, turǵyn úıge degen suranys árqashan joǵary», — dep túıindedi Ersaıyn Naǵaspaev.