Qazaqstanda Jetour, Changan, Chery jáne Haval sıaqty qytaılyq avtomobıl brendterin shyǵarý josparlanýda. Bul týraly infohub.kz saıty habarlaıdy.
Qazaqstannyń ónerkásip jáne qurylys mınıstri Qanat Sharlapaev Májilistegi úkimet saǵatynda otandyq avtoóndirýshiler 2027 jylǵa qaraı usaq túıindi qurastyrý (CKD) úlesin jalpy óndiris kóleminiń 50%-yna deıin jetkizýi kerektigin málimdedi. Aǵymdaǵy jyly bul kórsetkish shamamen 20%, 2025 jyly – 30%, al 2026 jyly – 40% bolýy tıis.
Sonymen qatar, Qostanaı men Almatydaǵy shaǵyn ónerkásip aımaqtarynyń alańdarynda avtokomponent bazasyn damytý jobalary pysyqtalýda. Qazirdiń ózinde oryndyqtar shyǵarylyp, qytaılyq avtomobılderdi óndiretin mýltıbrendtik zaýyt qurylysy júzege asyrylýda. Budan bólek, plasık bólshekter men kólikterge arnalǵan mýltımedıalyq júıeler shyǵaratyn kásiporyndardy iske qosý josparlanýda.
Ónerkásip jáne qurylys mınıstrliginiń basshysy 2026 jyldyń 1 qańtarynan bastap dánekerleý jáne boıaý tehnologıalary Qazaqstanda shyǵarylatyn árbir avtomobıl brendinde ıgeriletinin jetkizdi. 2027 jylǵa qaraı usaq túıindi qurastyrý ádisimen jylyna shamamen 200 myń mashına shyǵarý josparlanýda.
Qanat Sharlapaevtiń naqtylaýynsha, «SaryarkaAvtoProm» avtomobıl jelisi 2024 jyly-aq Jetour brendimen tolyǵady. Sondaı-aq chehıalyq Skoda kompanıasymen kelissózder júrgizilýde. Sonymen qatar, Astana Motors kompanıalar toby óndiristi uıymdastyrý úshin tanymal qytaılyq Changan, Chery jáne Haval brendterin tartyp, ony 2025 jyly iske qosý josparlanýda.