Astyq saqtaýmen aınalysatyn, burynǵy «Sesna-Astyq» konserniniń quramyna kiretin JFOOD Mills kompanıasy 2025 jyldyń qorytyndysy boıynsha 36,8 mln teńge shyǵynǵa ushyrady. Bir jyl buryn kompanıa 3,9 mln teńge paıda tapqan edi. Osylaısha, shyǵyn shamamen 37 mln teńgeni qurady, dep habarlaıdy infohub.kz.
Kompanıanyń ónim ótkizý men qyzmet kórsetýden túsken tabysy 348 mln teńgege jetip, aldyńǵy jylmen salystyrǵanda 31%-ǵa ósti. Alaıda ónimniń ózindik quny da 42%-ǵa ósip, 331,5 mln teńgeni qurady. Qyzmetterdiń negizgi bóligi — 262 mln teńgege — baılanysty taraptarǵa, ıaǵnı bas holdıńke kórsetilgen, al syrtqy kompanıalarǵa kórsetilgen qyzmetter 86 mln teńge ákeldi.
Ózindik qun qurylymynda negizgi shyǵyndar materıaldarǵa — 78 mln teńge (bir jyl burynǵydan eki ese kóp) jáne eńbekaqyǵa — 146 mln teńge (43%-ǵa ósken) tıesili. Ákimshilik shyǵyndar da eki ese ósip, 64,5 mln teńgege jetti, bul negizinen jalaqynyń artýyna baılanysty. Sonymen qatar, kompanıanyń baılanysty taraptar aldyndaǵy qaryzy 47 mln teńgeni quraıdy.
Buryn «Sesna-Astyq» elevatory dep atalǵan JFOOD Mills astyqty saqtaýmen jáne qoımalaýmen aınalysady. Ol Salem, Bella Pasta jáne «Sesna» brendterimen un jáne makaron ónimderin shyǵaratyn JFood Kazakhstan saýda-óndiristik kompanıasynyń quramyna kiredi.
2025 jyldyń aqpanynan bastap kompanıanyń ıesi — 160 mln dollar baılyǵymen eń baı qazaqstandyqtar tiziminde 58-orynda turǵan belgili kásipker Týrsenǵalı Alaǵuzov. Oǵan sondaı-aq «Maxi Chaı» sýsyn óndirýshisi Galanz Bottlers jáne «Shymkent syra zaýyty» tıesili.
Buǵan deıin Qazaqstandaǵy аlkogólsiz sýsyndardyń iri óndirýshileriniń biri Galanz Bottlers 2025 jyldyń qorytyndysy boıynsha 18,3 mlrd teńge paıda tapqany habarlanǵan bolatyn.