Jyl mezgilderi (Ertegi)
Erte, erte ertede, eshki júni bórtede Aq jaıyqtyń jaǵasynda eline eleýli, halqyna qalaýly, bir domalaq ana ómir súripti. Sol anadan taraǵan tórt qyz bar eken. Olardyń aýyz dese aýzy, kúndeı jarqyraǵan kózi bar. Dúnıeniń sulýlyǵyn ózderine darytqan sulý qyzdary bolypty. Anasy jaqsy tárbıe beripti, Úlken qyzynyń aty «Kóktem». Ol aq jarqyn, minezi názik. Ekinshi qyz «Jaz» jarqyrap, jaıdarly, ár ýaqytta kúlimdep, nuryn shashyp júredi. Úshinshi qyzy «Kúz» basqa qyzdarǵa qaraǵanda jylaýyq, jańbyrly bolady, biraq qoly ashyq myrza eken. Al kishi qyzy «Qys» basqa qyzdaryna qaraǵanda salqyn, qataldaý.
Qyzdary boı jetip, sanaly da salmaqty qyz bolyp ósipti. Osy qyzdaryn domalaq ana ózderiniń qutty oryndaryna qondyrypty.
Úlken qyzy arystaı úsh ul týyp, úsheýi de el qorǵaǵan batyr bolypty.
Ekinshi qyzy úsh qyz týyp úsheýi de adamzatqa jan jylýyn syılaı biletin meıirimdi qyzdar atanypty.
Úshinshi qyzy jazdaı jaıdarly úsh qyzdy dúnıege ákelipti.
Tórtinshi qyzy berekesi men yrysy mol, qoldary ashyq, kelgen qonaqty qadir tutatyn, qonaqjaı úsh qyz ósiripti.
Osy tórt qyzdan órbigen urpaqtary elge, halyqqa paıdasyn tıgizip, el aýzynda attary ańyzǵa aınalypty. Olar jyldyń tórt mezgili men on eki aıy eken.