Sabaqtyń maqsaty: Oqýshylardy qural - jabdyqtar jáne metaldy ıý
tásilderine, jumys kezindegi uqyptylyqqa úıretý
Jumys obektisi: Qalaq
Kómekshi quraldar: Syzba, syzǵysh, chertılka, kıanka (aǵash balǵa),
egeý, balǵa, metal kesetin qaıshy, ıý quraly
jáne t. b.
Jumystyń oryndalý reti:
Ádistemelik nusqaýlar:
Sabaqty oqýshylarmen áńgimelesýden, suraqtar qoıýdan bastaımyz: ótken sabaqta ne jasadyq? Qalaq jasaý úshin qandaı materıaldar qajet? Qalaq jasaý jumys reti qandaı? Qańyltyr betine belgiler ne arqyly salynady? Metalmen jumys istegen kezdegi qoldanylatyn qaýipsizdik tehnıkasy erejeleri? Qalaqtyń basynyń jazbasyn qalaı túsiremiz?
Sizder juqa metaldardy, qańyltyrdy qaıshymen kesip úırendińizder. Mektep sheberhanasynda balǵa men shapqyna paıdalanýdy úırendińder. Endi metaldyń túrlerin óńdeýdi úırenesińder. Mundaı jumysty metal kesý dep ataıdy.
Metaldy kesý úshin oǵan qajet qyspaqtar men qural - saımandardyń qyzmetin bilý qajet. Slesarlyq balǵalar, shapqy t. b. balǵalardyń massasy 200, 400, 600 g. Saby balǵanyń massasyna qaraı 250 - 300mm.
Buıymdy durys kesý úshin jáne jaraqat almaý úshin, ony shapqan kezde balǵaǵa emes, shapqanyń jumys bóligine qaraý qajet. Onyń bas bóligin eki ret emes, bir urǵanda kesetin etip kúsh jumsaǵan durys. Soǵý kúshi shabylatyn metaldyń qalyńdyǵyna baılanysty.
Metaldy kesý barysynda mynadaı tehnıka qaýipsizdigi erejeleri saqtalýy tıis:
1. Shabý aldynda balǵa sabynyń berik saptalǵanyn tekserińiz. Ol
synamen bekitilgen be?
2. Jumys barysynda aqaýy bar balǵa men shapqyny paıdalanba.
3. Saby jarylǵan jáne jumys bóliginde jaryǵy bar egeýmen jumys isteme.
4. Metal jańqalaryn úrleme, tek arnaıy qyl súrtkimen tazala.
Metaldy qolmen túzetetin quraldardyń qataryna basy dóńgelek temir balǵa jáne aǵash balǵa jatady.
Iý degenimiz – buıymǵa neme onyń belgili bir bólshegine qajetti úlgi berý úshin jasalatyn slesarlyq operasıa.

Bizde qalaq jasaý barysynda metalmen jumys jasaýdaǵy operasıalardy kóp kezdestiremiz.
1. Daıyndama tańdap alý.
2. Daıyndama betine ólshemderdi ( qalaq jasbasynyń) belgileý.
3. Ólshem boıynsha qıý.
4. Ólshem boıynsha maıystyrý.
5. Qalaq sabyn daıyndaý.
6. Qalaqtyń basy men sabyn birin - birine biriktirý.
7. Daıyn bolǵan buıymdy kórkemdep óńdeý.

Jumys barysynda oqýshylardyń qaýipsizdik tehnıkasy erejelerin saqtaýyn qadaǵalaý.
Sabaqtyń sońynda: Oqýshylar daıyndaǵan buıymdardy tekserý, baǵalaý.
Jumys orynyn tazalap jınaý. Qural - saımandardy
kezekshige nemese muǵalimge tapsyrý.
Tehnologıalyq karta
Juqa qańyltyrdan qalaq daıyndaý
Jumystyń oryndalý rettiligi Operasıa eskızderi Qoldanylatyn qural - jabdyqtar
Daıyndama tańdap alý.

Daıyndama betine ólshemderdi belgileý.
Syzǵysh, chertılka
Ólshem boıynsha kesip, maıystyrý Qaıshy, maıystyrý quraly, balǵa
Qalaq sabyn daıyndaý
Qalyńdyǵy 3 - 3, 5mm qańyltyr
Qalaqtyń basy men sabyn birin - birine biriktirý
Tós balǵa, toıtarma shege
Daıyn bolǵan buıymdy kórkemdep óńdeý.
Egeý, túrtki qaǵaz, boıaýlar