Sheshenstan basshysy Ramzan Qadyrov Ýkraınaǵa qarý-jaraq jetkizip, ártúrli qoldaý kórsetip jatqan elderge áskerı jolmen jaýap berýge shaqyrdy, dep habarlaıdy infohub.kz.
Ramzan Qadyrov bul usynysyn Telegram-daǵy paraqshasynda jazdy. Onyń aıtýynsha, jaıaý áskerler Vladımır Pýtınniń buıryǵymen kez kelgen baǵytqa shyǵýǵa daıyn. Ol "NATO degen abrevıatýrany jamylyp, uıatsyz, ashyq túrde Ýkraınaǵa qarý-jaraq, derekter jáne basqa da qoldaý kórsetip júrgen elderden bastaýǵa bolady" dep sanaıdy.
"Eger olar Reseıdiń bolyp jatqannyń bárine sabyrmen qarap, qol qýsyryp otyrmaıtynyn túsinbese, onda olarǵa bul týraly qarapaıym, túsinikti tilde aıtýdyń ýaqyty keldi. (...) Trotıldiń ıisin sezgen boıda, Kalashnıkovtyń úni men T-90-nyń syqyrlaǵanyn estigende, bári túsinip, aqıqatqa keledi. Atys ashatyn kez keldi, áıtpese!", — dep jazdy Qadyrov.
Sheshenstan basshysy Reseı qazir beıbit turǵyndar arasyndaǵy shyǵyndy barynsha azaıtyp, jeńil soǵys qımyldaryn júrgizip jatqanyn aıtty. "Biraq bizdiń soǵys mashınamyzdyń tejegishin bosatqanda, (...) barlyq batys kóshbasshylary tereń keshirim suraý úshin kezekke turady", — dep qorytyndylady Ramzan Qadyrov.