Almatylyq «Qaırat» jankúıerleri komandasynyń «Levskıge» qarsy qonaqtyq machyna Túrkistanǵa tegin baryp, keri qaıta alady. Bul týraly infohub.kz saıty habarlaıdy.
Ticketon baspasóz qyzmetiniń málimetinshe, sapar úshin Freedom jáne fýtbol klýby usynǵan úsh avtobýs uıymdastyrylady. Jankúıerlerge jolda kórpe men sýsyndar usynylady.
Mach 11 tamyzda Túrkistanda ótedi. Avtobýstar Almatydan tańǵy 04:00-de júredi, al keri qaıtý oıyn aıaqtalǵannan keıin birden júzege asyrylady.
Sapardy uıymdastyrýshylar — Freedom Afısha (ticketon.kz) jáne «Prodýkty» servısteri. Jolda jolaýshylarǵa kórpe, jol jastyqtary, sondaı-aq sýsyndar men snekter beriledi.
Transferdi tek machqa bıleti bar jankúıerler paıdalana alady. Oryn brondaý úshin fan.support@fckairat.kz elektrondyq poshtasyna «Avtobýs v Týrkestan» taqyrybymen ótinim jiberip, «Qaırat» fan-klýbynyń rastaýyn kútý qajet. Avtobýstardaǵy oryndar shekteýli.
Eske salaıyq, 5 tamyzda Chempıondar lıgasynyń 2026/27 maýsymyndaǵy úshinshi irikteý kezeńiniń alǵashqy machynda «Qaırat» «Levskıden» mınımaldy eseppen utyldy. Bolgarıa astanasyndaǵy kezdesý 0:1 esebimen aıaqtaldy.
Qarama-qarsylyqtyń taǵdyry 11 tamyzda sheshiledi. «Levskı» – «Qaırat» jubynyń jeńimpazy Chempıondar lıgasynyń negizgi týrnırine joldama úshin grek AEK klýbymen baq synaıdy. Utylǵan komanda Eýropa lıgasynyń irikteýine túsip, ne grek PAOK-pen, ne belgıalyq «Anderlehtpen» oınaıdy.