Búgin, 11 tamyzda, Túrkistanda ÝEFA Chempıondar lıgasynyń úshinshi irikteý kezeńiniń jaýapty machy ótedi. Almatylyq «Qaırat» bolgarıalyq «Levskı» komandasymen kezdesedi. Oıyn qarsańynda polısıa fýtbol jankúıerlerine eskertý jasady, dep habarlaıdy infohub.kz saıty.
«İİM jańalyqtary» Telegram-arnasynda habarlanǵandaı, quqyq qorǵaý organdary «Túrkistan Arena» stadıonynda ótetin mach bastalar aldynda qoǵamdyq tártip pen qaýipsizdikti qamtamasyz etý sharalaryn kúsheıtti. Polısıa qala turǵyndary men qonaqtaryn qoǵamdyq tártipti saqtaýǵa, aınalasyndaǵylardyń qaýipsizdigine jaýapkershilikpen qaraýǵa jáne polısıa qyzmetkerleriniń zańdy talaptaryn oryndaýǵa shaqyrady.
«Fýtbol machyn tamashalaýǵa kelgen jankúıerlerdi bir-birine qurmetpen qaraýǵa, arandatýshylyq áreketterge jol bermeýge, qoǵamdyq oryndarda tártip saqtaýǵa jáne belgilengen qaýipsizdik talaptaryn qatań oryndaýǵa shaqyramyz», — delingen habarlamada.
Eske salaıyq, buǵan deıin bolgarıalyq «Levskı» ÝEFA Chempıondar lıgasynyń 2026/27 maýsymynda qazaqstandyq «Qaıratqa» qarsy óz alańynda jeńiske jetken bolatyn. Jaýapty mach 11 tamyzǵa «Túrkistan Arenada» belgilengen edi. Almatydaǵy Ortalyq stadıon 14 tamyzǵa josparlanǵan amerıkalyq reper Kane Ýestiń konsertine baılanysty bul oıyndy qabyldaı almaıdy.