Қазақстандық әнші Қайрат Нұртастың қызы Алау Алматыда өткен әкесінің мерейтойлық концертінде сахнаға шыққаны үшін сын айтқан хейтерлерге жауап берді, деп хабарлайды infohub.kz сайты.
Алау әкесі әнші Қайрат Нұртас пен анасы актриса Жұлдыз Әбдікәрімова сияқты шығармашылық жолды таңдады. Қыз билегенді ұнатады, әкесінің Алматыдағы Орталық стадионда өткен үлкен концертінде оны қолдауға шығып, бір нөмірін әшекейледі.
Алайда желіде сын айтып, теріс пікірін білдіргендер де табылды. Қыз зілді пікірлерге жауап беруді жөн көрді.
«Кім не айтса да айта берсін, мен одан әрі жарқырай беремін. Қолдау көрсеткендеріңізге рақмет», — деді Алау.
Қыз сондай-ақ Қайрат Нұртастың концертінен сахналық бейнесінде түскен суреттерін жариялады — ол алтын түсті өрнегі бар қара барқыт топ пен шорты киіп, үстінен ұзын қара барқыт жамылғы жамылып, бейнесін етікпен толықтырған.
«Жаным, негативті өмірге өкпелеген адамдар жазады, сен ең үздіксің, бөпешкам менің», «Жарқыра, Алау», «Алау шынымен жалындай екен», «Бейне — от. Қысқа деп жазатындар 18 жасында одан да қысқа киетін, енді қартайып кеңес бере бастады, көңіл бөлме», «Ең бастысы — ата-анаң сені қолдайды», — делінген пікірлерде.