Reseıdiń Ýkraınaǵa qarsy tolyqqandy soǵysy bastalǵan 2022 jyldyń aqpanynan beri Eýropalyq odaq Kıevke 220 mıllıard eýrodan astam kómek kórsetti. Bul týraly EO dıplomatıasynyń basshysy Kaıa Kallas Strasbýrgte Eýroparlamenttiń plenarlyq otyrysynda sóılegen sózinde málimdedi, dep habarlaıdy infohub.kz saıty.
EO dıplomatıasy basshysynyń sózi Eýropalyq odaq dıplomatıalyq qyzmetiniń resmı saıtynda jarıalandy. Kallastyń aıtýynsha, EO men oǵan múshe memleketter tarapynan Ýkraınaǵa kórsetilgen áskerı qoldaý 78 mıllıard eýrodan asqan.
Sonymen qatar Ýkraınany qoldaýǵa arnalǵan kredıt eki jyl ishinde 90 mıllıard eýro bólýdi kózdeıdi, onyń 60 mıllıardy áskerı kómekke josparlanǵan. Onyń ishinde Patriot zymyrandaryn satyp alýǵa arnalǵan qarajat ta bar — 8,35 mıllıard eýro tólenip qoıdy.
«Eýropalyqtar tarapynan eń aıqyn ári dereý qajet jaýap — Eýropalyq beıbitshilik qory aıasynda qoljetimdi qarjylandyrýdy paıdalaný. Biz áskerı qoldaýǵa taǵy bir mıllıard eýro bóle alamyz. Men osy qarajatty bólý boıynsha múshe memlekettermen jumys istep jatyrmyn», — dedi Kallas.