Kanada premer-mınıstri Mark Karnı AQSH-qa qarsy «dollarǵa dollar» kóleminde jaýap baj salyǵyn engizetinin málimdedi, dep habarlaıdy infohub.kz saıty.
CNN derekteri boıynsha, 8 qyrkúıekten bastap kúshine enetin Kanadanyń jaýap sharalary bolat, sút ónimderi, turmystyq tehnıka, aýyl sharýashylyǵy jabdyqtary, selúloza, qaǵaz jáne elektronıkaǵa áser etedi.
«Sońǵy kúnderi Amerıka Qurama Shtattary tıimsiz, ádiletsiz jáne Kanada úshin taza paıdany tómendetetin, sondaı-aq kez kelgen kelisimniń senimdiligin kúmánǵa aınaldyratyn jańa sharttar usyndy. Qysqasy, olar tym kóp talap etip, tym az usyndy», — dedi Karnı.
Kanada kelisim aıasynda ótken jylǵy jaýap sharalaryn alyp tastaý jáne amerıkandyq аlkogóldi kanadalyq dúkenderge qaıtarý sıaqty keıbir jeńildikter usynǵany atap ótiledi. Alaıda, Karnıdiń aıtýynsha, AQSh avtomobıl ónerkásibin qosa alǵanda, negizgi salalar úshin «aqylǵa qonymdy ekonomıkalyq sharttarǵa» kelispegen. Sonymen qatar, kanadalyq premer onyń úkimeti AQSH-qa paıdaly qazbalarǵa aıryqsha qol jetkizý múmkindigin eshqashan bermeıtinin atap ótti.
CNN atap ótkendeı, sońǵy qaqtyǵys Tramp prezıdenttikke oralǵannan beri AQSh pen Kanada arasyndaǵy saýda qatynastarynyń turaqty nasharlaýynyń saldary boldy. Buǵan deıin Donald Tramp ákimshiligi kanadalyq tarapqa baj salyǵyn engizýdi úsh kúnge keıinge qaldyrýdy bergen bolatyn.