Qazaqstannyń metalýrgıa ónerkásibinde 2024 jyldyń birinshi toqsanynyń qorytyndysy boıynsha óndiris ósimi 4,3% qurady. Bul týraly Májilistegi úkimet saǵatynda Qazaqstan Respýblıkasynyń ónerkásip jáne qurylys mınıstri Qanat Sharlapaev habarlady, dep habarlaıdy Kazinform agenttiginiń tilshisi, infohub.kz saıty habarlaıdy.
Vedomstvonyń málimetinshe, jyl sońyna deıin ósimdi bolat quıý kásiporyndarynyń (Qarmet AQ, «KSP Stıl» JSHS, Shymkent Temir JSHS, Ferrum Vtor JSHS, «Kazferrostal» JSHS, Forever Flourishing (Middle Asia) Pty LTD JSHS) ónim kólemin 4 mln tonnaǵa deıin (3,923 mln tonnadan 4 mln tonnaǵa), jalpaq prokatty 2,6 mln tonnaǵa deıin (2,456 mln tonnadan 2,550 mln tonnaǵa) jáne Qarmet-te shoıyn óndirisin 3 mln tonnaǵa deıin (2,865 mln tonnadan 2,950 mln tonnaǵa) arttyrý esebinen qamtamasyz etý josparlanýda.
Mys boıynsha ósim kólemi (419 myń tonnadan 452 myń tonnaǵa deıin) «Kazsınk» JSHS (114,2%, 42 myń tonnadan 48 myń tonnaǵa), «Qazaqmys Korporasıasy» (114%, 214 myń tonnadan 244 myń tonnaǵa) jáne «KazMinerals Toby» (100%, 121 myń tonna) esebinen qamtamasyz etiledi. Myrysh (101%, 280 myń tonnadan 285 myń tonnaǵa) jáne qorǵasyn (101%, 95 myń tonnadan 97 myń tonnaǵa) boıynsha «Kazsınk» JSHS, al alúmını boıynsha 1% «KEZ» AQ (261 myń tonnadan 265 myń tonnaǵa) esebinen qamtamasyz etiledi.
«Orta merzimdi perspektıvada 2029 jylǵa deıin Abaı oblysyndaǵy jańa mys balqytý zaýyty jobasyn iske asyrý esebinen mys óndirisiniń kólemin 450 myń tonnadan 1 mln tonnaǵa deıin eki ese arttyrý josparlanýda», — dedi Qanat Sharlapaev.
Ol sondaı-aq jobanyń iske asyrylýy eksporttalatyn mys konsentratynyń barlyq kólemin qaıta óńdeýge múmkindik beretinin atap ótti.
Bolat óndirisi Qarmet JSHS-ni keńeıtý, sondaı-aq qýaty 1,2 mln tonna bolatyn arnaıy maqsattaǵy bolat óndirý boıynsha jańa jobalardy («Qazaqstal») iske asyrý esebinen 10 mln tonnaǵa deıin artady.
Sondaı-aq ERG kompanıasy BAOWU Steel kompanıasymen birlesip, Rýdnyı qalasynda temir keni shıkizatyn tereńdetip óńdeýdi iske qosýdy josparlap otyr. Ystyq brıkettelgen temir óndirisi bolat quıý óndiristeri úshin 100% shıkizat bazasyn qamtamasyz etedi.