Amerıkalyq reper Kane Ýestiń Sankt-Peterbordaǵy josparlanǵan konsertteri ótpeıtin boldy — uıymdastyrýshy konsertterdiń toqtatylǵanyn habarlady, dep jazady infohub.kz saıty.
RBK agenttiginiń málimetinshe, amerıkalyq reper Kane Ýest Sankt-Peterborda belgilengen kúnderi óner kórsetpeıdi. Uıymdastyrýshy jobanyń mártebesi men bolashaq josparlary týraly resmı aqparatty jaqyn arada usynatynyn málimdedi.
«Jaqyn arada jobanyń mártebesi men bolashaq josparlary týraly resmı málimdememen shyǵamyz. Satyp alynǵan bıletter úshin aqshany qaıtarý múmkindigi dúısenbi, 2026 jylǵy 12 qazanda ashylady», — delingen habarlamada.
Say Agency agenttigi qaıtarý erejeleri men sharttary týraly tolyq aqparatty «sál keıinirek» jarıalaıtynyn ýáde etti.
Al «Kommersant» basylymy Sankt-Peterborda polısıanyń Kane Ýestiń ótpeıtin konsertterin uıymdastyrýshyǵa qatysty tergeýge deıingi tekserý bastaǵanyn habarlaıdy. Sóz erekshe iri mólsherdegi alaıaqtyq týraly bolyp otyr.
Aıtpaqshy, Kane Ýestiń konsertteri 10 jáne 11 qazanda «Gazprom Arenada» ótýi tıis edi. Bıletter 9 myńnan 160 myń rúblge deıingi baǵamen satyldy (shamamen 48 myń teńgeden 846 myń teńgege deıin — red. eskertpesi). Konsertter toqtatylǵan soń satyp alýshylar aqshany qaıtarýdy talap etip, jol shyǵyndaryn qosa otyryp, sotqa shaǵymdana bastady.
Buǵan deıin biz Kane Ýestiń Almatydaǵy konserti qalaı ótkenin habarlaǵan bolatynbyz.