Almatydaǵy amerıkandyq reper Kane Ýesttiń (YE) kópten kútken konserti qarsańynda alaıaqtar belsendilik tanytyp, ajıotajdy paıdalanyp paıda tabýǵa tyrysýda. Almaty polısıa departamenti ınternet arqyly bıletterdi zańsyz satý áreketteriniń birin áldeqashan toqtatqan, dep habarlaıdy infohub.kz saıty.
Almaty PD baspasóz qyzmetiniń málimetinshe, áleýmettik jelilerdi monıtorıńteý barysynda polıseıler aldaǵy konsertke bılet satý týraly habarlandyrý ornalastyrǵan jigitti anyqtaǵan. Onyń zańsyz áreketi ýaqytyly toqtatylǵan — ol óz josparyn júzege asyryp, satyp alýshylardy aldap úlgermegen.
Polısıa bul oqıǵa profılaktıkalyq jumystyń bir ǵana mysaly ekenin atap ótti. İri mádenı jáne sporttyq is-sharalar qarsańynda polısıa qyzmetkerleri táýlik boıy áleýmettik jelilerdi, habarlandyrý saıttary men ınternet-platformalardy monıtorıńtep, alaıaqtyq faktileri men joǵary suranysty paıdalanyp zańsyz tabys tabý áreketterin anyqtaıdy.
PD qala turǵyndary men qonaqtaryn bıletterdi tek resmı servıster arqyly satyp alýǵa, beıtanys adamdarǵa aqsha aýdarmaýǵa jáne ınternettegi kúmándi habarlandyrýlarǵa senbeýge shaqyrdy.
Eske salaıyq, 17 shildede Kane Ýesttiń Almatydaǵy konserti týraly aqparat paıda boldy. Aldymen bul týraly onyń menedjeri Djozef Karre habarlady, keıin Almaty ákimdigi konserttiń 14 tamyzda saǵat 21:00-de Ortalyq stadıonda ótetinin rastady.
Alaıda, jarıalanǵannan keıin «Qaırat» fýtbol klýbynyń basshylyǵy Ortalyq stadıonda is-sharany uıymdastyrý olarmen kelisilmegenin málimdedi. Keıin klýbtyń baspasóz qyzmeti jańa málimdeme jasap, konsert eýrokýbokterdiń úshinshi irikteý raýndyndaǵy úı machynyń ótý kezeńine sáıkes keletinin, sondyqtan «Qaırat» FK-nyń úı arenasy kezdesýdi uıymdastyrý men ótkizý úshin qoljetimsiz bolatynyn eske saldy.