Amerıkandyq reper Kane Ýest Almatyda 14 tamyzǵa josparlanǵan konsertiniń 15 tamyzǵa aýystyrylǵanyn resmı rastady. Bul týraly mýzykant óziniń áleýmettik jelilerinde habarlady, dep habarlaıdy NUR.KZ. Buǵan deıin Ortalyq stadıonǵa jınalǵan kórermenderge uzaq kútýden keıin ónerpaz sahnaǵa shyqpaǵan soń, konserttiń keıinge shegerilgeni aıtylǵan edi. Kane Ýest óz úndeýinde: «Qurmetti Almaty turǵyndary! Aýa raıyna baılanysty búgingi konsert erteńge aýystyryldy. Densaýlyq pen qaýipsizdik — bizdiń basty nazarymyzda. Erteń kezdeskenshe!» — dep jazdy, dep habarlaıdy infohub.kz saıty.
Eske salaıyq, búgin Almatyda, Almaty oblysynda jáne Qazaqstannyń basqa da aımaqtarynda iri blekaýt boldy. Energetıka mınıstrliginiń baspasóz qyzmetiniń málimetinshe, onyń sebebi — Ortalyq Azıa energojúıesinen elektr energıasy aǵynynyń kúrt ózgerýinen týyndaǵan energojúıedegi qýattyń artýy. Almatydaǵy jappaı elektr qýatynyń óshýi Kane Ýestiń konserti aldynda qıyndyqtar týǵyzdy, alaıda uıymdastyrýshylar kórermenderdi stadıonǵa kirgizýdi jalǵastyrdy. Al aýa raıy shynymen de qubyldy — konsert bastalýǵa bir saǵat qalǵanda kúndizgi ystyq ýragan men naızaǵaıǵa ulasty. Jeldiń ekpini stadıon mańyndaǵy dárethananyń janyndaǵy shatyrlardy ushyryp ketti. Alaıda olardy birden ornyna qaıta ornatty.