Kane Ýesttiń Almatydaǵy ortalyq stadıondaǵy kópten kútken konserti eshqandaı oqys oqıǵasyz bastaldy, dep habarlaıdy infohub.kz saıty.
Keshegi keıinge shegerilý, jaryqtyń sónýi jáne qolaısyz aýa raıynan keıin kóptegen jankúıer shoýdyń ótetinine kúmándanǵan edi. Alaıda dybys pen jaryq aparatýrasy, sondaı-aq keshe jelge baılanysty sónip qalǵan sfera qazir durys jumys istep tur. Kórermender tolqyp, Kaneniń sahnada oryndaǵan tanymal hıtterimen kadrlardy bólisýde. Áleýmettik jelilerde: «Bul joly fors-majorsyz ótetin sıaqty», — dep jazady.
Álemdik juldyzdyń Almatydaǵy ónerin ne erekshe etetinin kóreıik. Múmkin, ótken jyldyń tamyz aıyndaǵy Djeı Lo konsertindegideı erekshe nemese qyzyqty oqıǵa bolar. Sonda bári ánshige ǵashyq bolyp, 20 myń jankúıerdiń kóz aldynda onyń moınyna qonǵan almatylyq shegirtkeni talqylaǵan edi.
«Kýrsıv» sol kezde habarlaǵandaı, ánshi bul jaǵdaıǵa kúlimsirep jaýap berdi. Jándikti siltep tastap, ol eshnárse bolmaǵandaı ári qaraı ónerin jalǵastyrdy. Aldyńǵy qatardaǵy kórermender bul qyzyq sátti vıdeoǵa túsirip úlgerdi.
Buǵan deıin «Kýrsıv» Kane Ýesttiń konsertine keń aýqymdy daıyndyq týraly jazǵan bolatyn: negizgi jabdyq Qazaqstanǵa jeke júk ushaǵymen jetkizildi, al taǵy jeti eýrofýra shoýǵa arnalǵan tehnıkany ákeldi. Jabdyqtyń bir bóligin Almaty men Astanadan tabýǵa múmkindik týdy, biraq keıbir qurylymdardy Máskeýden jetkizýge týra keldi.