Almatydaǵy Ortalyq stadıonǵa Kane Ýesttiń konsertine jınalǵan kórermender is-sharanyń kelesi kúnge, 15 tamyzǵa aýystyrylǵanyn bildi, dep habarlaıdy infohub.kz.
Qysqasha kútýden keıin ártis sahnaǵa shyqpady. Onyń ornyna uıymdastyrýshylar konsert erteńge aýystyrylatynyn, qaýipsizdik sharalary bárinen joǵary ekenin aıtyp, habarlady. Kóptegen kórermen aldymen buny ázil dep qabyldady, biraq kóp uzamaı, shok kúıinde, taraı bastady.
Uıymdastyrýshylar bıletter erteńgi is-sharaǵa jaramdy ekenin, ol dál osy ýaqytta ótetinin sendirdi. Tilshi qala ákimdiginen túsinikteme surady.
Eske salaıyq, búgin Almatyda, Almaty oblysynda jáne Qazaqstannyń basqa aımaqtarynda aýqymdy blekaýt boldy. Energetıka mınıstrligi baspasóz qyzmetiniń málimetinshe, sebep — Ortalyq Azıa energojúıesinen elektr energıasy aǵynynyń kúrt ózgerýinen týyndaǵan energojúıedegi qýattyń artýy.
Aýqymdy elektr qýatynyń óshirilýi konsert aldynda qıyndyqtar týǵyzdy, alaıda uıymdastyrýshylar kórermenderdi stadıonǵa kirgizýdi jalǵastyrdy. Aýa raıy da óz áserin tıgizdi: konsert bastalýǵa bir saǵat qalǵanda kúndizgi ystyq daýyl men naızaǵaıǵa aýysty. Jeldiń ekpini stadıon janyndaǵy qoǵamdyq dárethananyń qasyndaǵy shatyrlardy ushyryp áketti, biraq olardy tez ornyna qoıdy.