Onlaın bılet satý servısiniń saıtynda amerıkandyq reper Kane Ýestiń (Ye) konserti jarıalandy. Uıymdastyrýshylar men bılet servısi ónerpazdyń qoıylymy týraly aqparatty jarıalady, alaıda reperdiń resmı kestesinde konsert ázirge joq, dep habarlaıdy infohub.kz.
Qoıylym Almatydaǵy Ortalyq stadıonda ótedi. Bılet satylymy 20 shildede bastalady. Baǵalar sanatqa qaraı 120 myńnan 350 myń teńgege deıin ózgeredi.
Aldaǵy konsert týraly Kane Ýestpen YEEZY jobalary men mýzykalyq menedjment boıynsha yntymaqtasatyn menedjer Djozef Karre de habarlady. Ol Instagram-storıste Almatydaǵy qoıylym týraly anons jarıalady.
Alaıda Kane Ýestiń konsert kestesi jarıalanǵan resmı saıtynda Qazaqstandaǵy qoıylym týraly aqparat ázirge joq.
Aıta keteıik, Kane Ýesttiń eń úlken janjaly onyń antısemıttik málimdemeleri men Gıtlerdi kópshilik aldynda madaqtaýyna baılanysty. Onyń málimdemeleri men svastıkasy bar fýtbolkalardy satýy sebepti Eýropanyń kóptegen elderi (onyń ishinde Ulybrıtanıa men Polsha) onyń konsertterin toqtata bastady, al halyqaralyq brendter onymen kelisimsharttardy buzdy.
Buǵan deıin sot Akmaldyń kúshi joıylǵan konserti úshin qazaqstandyqtarǵa mıllıondaǵan teńgeni qaıtarýdy mindettegen edi.