Kapshaǵaı sý qoımasynyń soltústik jaǵalaýyndaǵy Qonaev qalasynda 2015 jyly týǵan qyzdy shomylý kezinde tolqyn aǵyzyp áketti. Qutqarýshylar oǵan dereý kómekke keldi, dep habarlaıdy infohub.kz.
Tótenshe jaǵdaılar mınıstrligindegilerdiń aıtýynsha, oqıǵa "Almatınskaıa" demalys aımaǵy mańyndaǵy sý aıdynyn patrúldeý kezinde bolǵan. Balany jaǵadan shamamen 20 metr qashyqtyqqa aǵyzyp áketken.
"Qonaev qalasyndaǵy 28237 áskerı bóliminiń áskerı qyzmetshisi men jedel-qutqarý jasaǵynyń qutqarýshysy birlesip, dereý kómekke kelip, qyzdy jaǵaǵa jetkizdi", — delingen vedomstvo habarlamasynda. Bala medısınalyq kómekke muqtaj bolmady. Qutqarylǵan soń qyzdy ata-anasyna tapsyrdy.
TJM mamandary balalardy sý jaǵasynda qysqa ýaqytqa bolsa da qaraýsyz qaldyrýǵa bolmaıtynyn eskertti. "Qarapaıym qaýipsizdik erejelerin saqtaý qaıǵyly oqıǵanyń aldyn alýǵa kómektesedi", — dep atap ótti vedomstvo ókilderi.