Atyraý oblysynda burynǵy jubaıynyń otbasynyń tórt múshesin óltirgeni úshin ómir boıyna bas bostandyǵynan aıyrylǵan Sultan Sársemalıev tótenshe qaýipsizdik mekemesinde jazasyn óteıtin bolady. Ol úshin úkim zańdy kúshine enýi tıis. Qazaqstanda mundaı jalǵyz kolonıa — Qostanaı oblysyndaǵy №39 mekeme, «Qara búrkit» degen atpen belgili, — dep habarlaıdy infohub.kz saıty.
Kolonıa Jitiqara qalasynan 25 shaqyrym jerde ornalasqan. Onda 200-den astam ómir boıyna sottalǵandar ustalady. QR İİM Qylmystyq-atqarý júıesi komıtetiniń málimetinshe, bir sottalǵandy ustaý búdjetke kúnine 2000 teńgeden asady — bul somaǵa tamaqtaný jáne komýnaldyq-turmystyq qyzmetter kiredi. Olardyń ishindegi eń jasy 20 jasta, eń kárisi 76 jasta. 200 adamnyń segizi 25 jyldan astam ýaqyt jazasyn ótep jatyr.
Mekemede ólim jazasy ómir boıyna bas bostandyǵynan aıyrýmen aýystyrylǵan 26 adam bar — eń joǵarǵy jazaǵa moratorı 2004 jyldan bastap qoldanyldy, al 2021 jyly ol tolyǵymen joıyldy. «Qara búrkittiń» tanymal tutqyndarynyń arasynda — Vladıslav Chelah («Arqankergen» tragedıasy), Rýslan Kólekbaev (2016 jylǵy Almatydaǵy terakt) jáne Igor Dýjnov («Aqbulaq» shaǵyn aýdanyndaǵy atys).
Zańnama 25 jyl jaza ótegennen keıin shartty túrde merziminen buryn bosatý týraly ótinish berýge múmkindik beredi. 2026 jylǵy shildedegi jaǵdaı boıynsha bul quqyqty bir ǵana adam paıdalanǵan, alaıda sot is materıaldaryn qarap, ony bosatýdan bas tartty.