Qaraǵandyda taksı júrgizýshiniń sergektiginiń arqasynda polısıa qyzmetkerleri 16,3 mln teńge kólemindegi alaıaqtyqtyń aldyn aldy, dep habarlaıdy infohub.kz.
12 shildede 69 jastaǵy qaraǵandylyq turǵyn muqıat josparlanǵan alaıaqtyqtyń saldarynan barlyq jınaq aqshasynan aıyryla jazdady. Bank qaýipsizdik qyzmetiniń qyzmetkeri bolyp kóringen alaıaqtar zeınetkerdi qylmystyq topty ustaý úshin «arnaıy operasıaǵa» qatysý maqsatynda 16 mln 300 myń teńgeni Almatyǵa aýdarý kerek dep sendirdi.
Taksı júrgizýshiniń sergektigi alaıaqtyqtyń aldyn alýǵa múmkindik berdi. Ol jolaýshynyń qatty tolqyp, ózin ádetten tys ustaǵanyn baıqap, birden polısıaǵa habarlasty.
Kelgen polısıa qyzmetkerleri jedel aralasyp, alaıaqtardyń aqshany ıemdenýine jol bermedi. Alaıda Almatyda aqsha alýdy kútip turǵan kýrerdi ustaý múmkin bolmady. Alaıaqtardyń yqpalynda bolǵan áıel olarǵa polısıanyń kelgenin habarlap, qylmyskerlerdiń jasyrynýyna múmkindik berdi.
Alaıaqtyq faktisi boıynsha qylmystyq is qozǵaldy. Sotqa deıingi tergeý barysynda oqıǵanyń mán-jaıy jáne barlyq qatysýshy tulǵalar anyqtalýda.